Álfurinn valinn í byrjunarliðið!

Heimir Hallgrímsson landsliðsþjálfari, Helgi Kolviðarson, aðstoðarlandsliðsþjálfari og Guðmundur Hreiðarsson markmannsþjálfari keyptu fyrsta álfinn í álfasölu SÁÁ sem hefst í dag. Það voru Kolfinna, Dóróthea og Embla Margrét sem sáu um söluna en álfurinn í ár er að sjálfsögðu í landsliðslitunum í tilefni af þátttöku Íslands í HM í Rússlandi!

Talið frá vinstri: Kolfinna Baldursdóttir, Heimir Hallgrímsson, landsliðsþjálfari, Dóróthea Baldursdóttir, Embla Margrét Hreimsdóttir, Helgi Kolviðarson, aðstoðarlandsliðsþjálfari og Guðmundur Hreiðarsson, markmannsþjálfari

Álfasalan stendur fram á sunnudag en hún er stærsta fjáröflunarverkefni SÁÁ ár hvert. Frá upphafi hefur samfélagið tekið álfinum opnum örmum og hafa tekjurnar skipt sköpum í þjónustu við ungt fólk. SÁÁ hvetur Íslendinga til að halda áfram að kaupa álfinn og stuðla þannig að því að ungt fólk geti náð bata og orðið virkir þátttakendur í samfélaginu.

SÁÁ þakkar landsliðinu kærlega fyrir stuðninginn og sendir því bestu stuðnings- og baráttukveðjur til Rússlands. Áfram Ísland!