Valmynd
english

iKort SÁÁ

Vilt þú styrkja SÁÁ með því að nota iKort? Korthafar styðja SÁÁ með því einu að nota kortið sjálfum sér að kostnaðarlausu. Helstu spurningum er svarað hér að neðan.

iKort SÁÁ

SÁÁ og iKort hafa samið um útgáfu fyrirframgreiddra greiðslukorta frá MasterCard fyrir velunnara SÁÁ. Korthafar styðja SÁÁ sjálfum sér að kostnaðarlausu með því einu að nota kortið. iKort greiðir SÁÁ hluta af þóknun sem seljendur þurfa að greiða kortafyrirtækinu. Meira en 1% íslensku þjóðarinnar er þegar farin að nota iKort og fjölmörg ný kort eru gefin út á hverjum degi.

Hvað er iKort?

iKort er hægt að nota á sama hátt og önnur greiðslukort frá MasterCard í verslunum og í hraðbönkum. Þau eru líka hentug í net- og farsímaviðskiptum og til að skuldfæra reglubundin útgjöld eins og orkureikninga, símreikninga, fasteignagjöld og hvaðeina. Hægt er að leggja inn á kortin eftir þörfum og fylgjast með notkuninni á öruggu vefsvæði. Þar sem um inneignarkort er að ræða þurfa korthafar hvorki að fylla út eyðublöð né fara í greiðslumat í banka og ekki eru reiknaðir vextir.

Hvar fæ ég iKort SÁÁ?

Þú hringir í 530 7600 á skrifstofutíma eða sendir okkur tölvupóst á saa@saa.is og þá hefur starfsfólk okkar samband við þig samdægurs, aflar nauðsynlegra upplýsinga og svarar spurningum þínum. Kortið verður síðan sent heim til þín eftir um það bil tvær vikur.

Nánar um iKort

iKort eru ein tegund MasterCard og ódýrari í notkun en flest önnur greiðslukort. Með þeim er hægt að skuldfæra regluleg útgjöld. Hægt er að leggja inn á iKort eftir þörfum og fylgjast með innistæðu á öruggu vefsvæði og í síma. iKort ehf. byggir starfsemi sína á nýrri Evróputilskipun um úrbætur á greiðslumiðlun í þágu neytenda. Fyrirtækið er með skrifstofu í Skipholti 25 í Reykjavík, þar er síminn: 572 2000 og vefurinn er ikort.is. iKort eru gefin út af Prepaid Financial Services Ltd. í Bretlandi samkvæmt leyfi frá MasterCard International. Prepaid Financial Services Ltd er með starfsleyfi frá FSA, Fjármálaeftirliti Bretlands, sem hefur jafnframt eftirlit með starfsemi fyrirtækisins.

Hvað kosta iKort SÁÁ?

Félagsmenn SÁÁ fá iKort útgefin á eigið nafn afhent endurgjaldslaust. Síðan greiða þeir 725 krónur í hverjum mánuði. Gjald er aðeins tekið ef innistæða er á kortinu. Það kostar ekkert að eiga kortið ef það er ekki í notkun og án innistæðu. Innistæður á iKortum bera enga vexti. Hverju iKorti fylgir bæklingur þar sem þú finnur leiðbeiningar um notkun, viðskiptaskilmála og gjaldskrá. Vinsamlega athugið að skoða gjaldskrána vel. Þar kemur m.a fram að greitt er 45 kr. gjald fyrir að fá sms með upplýsingum um innistæðu á kortinu og 150 kr. fyrir að fá upplýsingar í síma um inneign. Einnig þarf að greiða 185 kr. í gjald ef reynt er að nota kortið án þess að næg innistæða sé fyrir hendi. Þeir sem gera samanburð á kostnaði við að nota iKort annars vegar og hefðbundin kredit- og debet-kort hins vegar sjá að iKort eru ódýr kostur, einkum fyrir þá sem nota þau í stað debit-korta og spara sér þannig færslugjöld.

Að virkja kortið

Um leið og þú færð kortið þitt í hendur færðu bréf með leiðbeiningum um hvernig hægt er að virkja iKortið, – þú velur hvort þú gerir það með því að senda sms eða með því að skrá þig inn á vefsvæði þitt á ikort.is og virkja kortið þar. Þú getur einnig nýtt eigið vefsvæði til að fylgjast með stöðu kortsins þér að kostnaðarlausu og til að loka kortinu og enduropna það að vild.

Ef þú vilt frekari upplýsingar getur þú snúið þér til SÁÁ og hringt í síma 530 7600 á skrifstofutíma eða sent tölvupóst á saa@saa.is. Þú getur líka heimsótt upplýsingavef iKorts, ikort.is til að fá almennar upplýsingar um iKort.