Valmynd
english

Aðalfundur SÁÁ verður 11. júní

Aðalfundur SÁÁ verður haldinn fimmtudaginn 11. júní í Von, húsi SÁÁ við Efstaleiti 7 í Reykjavík. Fundurinn hefst klukkan 17.15.

Dagskrá aðalfundar er í samræmi við 5. grein laga SÁÁ.  Hún er svohljóðandi:

Aðalfund samtakanna skal halda fyrir 1. júlí ár hvert og skal hann boðaður með viku fyrirvara með auglýsingu í a.m.k. tveimur dagblöðum og tveimur útvarpsstöðvum. Aðalfundur er lögmætur ef rétt er til hans boðað. Á aðalfundi skulu þessi mál tekin til umræðu og afgreiðslu:
1. Skýrsla stjórnar um framkvæmdir og starfsemi samtakanna á liðnu starfsári.
2. Gjaldkeri leggur fram endurskoðaða reikninga til umræðu og samþykktar.
3. Lagabreytingar ef fyrir liggja tillögur um þær.
4. Kosning stjórnar, varastjórnar, endurskoðenda og varaendurskoðenda.
5. Tekin ákvörðun um félagsgjöld.
6. Önnur mál.

 

Aðalstjórn samtakanna skipa 48 menn. Kjörtími stjórnarmanna er þrjú ár og skulu sextán kjörnir á hverjum aðalfundi auk sjö varamanna til eins árs. Framkvæmdastjórn skal skipuð níu mönnum sem aðalstjórn kýs úr sínum hópi til eins árs á fyrsta fundi sínum eftir aðalfund. Skal formaður kosinn sérstaklega og er hann jafnframt formaður aðalstjórnar

Sjá nánar í lögum félagsins.

Endurskoðaðir ársreikningar sjúkrareksturs og samstæðu SÁÁ fyrir 2014 eru aðgengilegir hér á vefnum. (Sjá hér og hér).