Valmynd
english

Björn Bjarnason gestur Heiðursmanna á fimmtudag

Björn Bjarnason, fyrrverandi ráðherra, verður gestur á næsta fundi Heiðursmanna sem verður haldinn fimmtudaginn 16. febrúar.

Björn sat á Alþingi frá 1991-2009 og var menntamálaráðherra frá 1995 til 2002 og dóms- og kirkjumálaráðherra frá 2003 til 2009. Áður var hann aðstoðarritstjóri Morgunblaðsins um árabil og er þjóðkunnur fyrir þátttöku sína í umræðum um stjórnmál, ekki síst alþjóðamál, áratugum saman.

Að venju hefst fundurinn á fimmtudag klukkan 12 og stendur í um klukkustund. Á fundum Heiðursmanna er í boði léttur hádegisverður gegn vægu gjaldi, góður félagsskapur og fræðandi umræður.
Fundir Heiðursmanna eru haldnir yfir vetrarmánuðina, annan hvern fimmtudag í Von, húsi SÁÁ, Efstaleiti 7. Þeir sem hafa áhuga á starfi Heiðursmanna geta sent póst á netfangið heidursmenn@saa.is eða hringt í SÁÁ í síma 530 7600.