Valmynd
english

Davíð Þór gestur Heiðursmanna á fimmtudag

Davíð Þór Jónsson, sóknarprestur í Laugarneskirkju, verður gestur á næsta fundi Heiðursmanna sem verður haldinn fimmtudaginn 2. febrúar.

Davíð Þór hefur verið sóknarprestur í Laugarnesi frá því á síðasta ári en áður var hann héraðsprestur í Austurlandsprófastsdæmi um tveggja ára skeið. Hann er hins vegar þjóðþekktur fyrir störf sín sem dagskrárgerðarmaður í útvarpi og sjónvarpi og sem skemmtikraftur og þjóðfélagsrýnir um margra ára skeið.

Að venju hefst fundurinn á fimmtudag klukkan 12 og stendur í um klukkustund. Á fundum Heiðursmanna er í boði léttur hádegisverður gegn vægu gjaldi, góður félagsskapur og fræðandi umræður.

Fundir Heiðursmanna eru haldnir yfir vetrarmánuðina, annan hvern fimmtudag í Von, húsi SÁÁ, Efstaleiti 7. Þeir sem hafa áhuga á starfi Heiðursmanna geta sent póst á netfangið heidursmenn@saa.is eða hringt í SÁÁ í síma 530 7600.