Valmynd
english

Frambjóðendur Höfuðborgarlistans heimsækja heiðursmenn

Tveir frambjóðendur Höfuðborgarlistans verða gestir heiðursmanna næstkomandi fimmtudag, 12. apríl, í Von, Efstaleiti. Björg Kristín Sigþórsdóttir, oddviti og formaður Höfuðborgarlistans, kemur og kynnir framboðið ásamt Sif Jónsdóttur sem skipar 2. sætið. Að venju hefst fundurinn klukkan 12 á hádegi og stendur í um klukkustund.

Höfuðborgarlistinn er nýtt framboð í komandi sveitarstjórnarkosningum og skilgreinir sig sem þverpólitískan hóp.

Fundir Heiðursmanna eru haldnir yfir vetrarmánuðina, að jafnaði annan hvern fimmtudag í Von, húsi SÁÁ, Efstaleiti 7. Þeir sem hafa áhuga á starfi Heiðursmanna geta sent póst á netfangið heidursmenn@saa.is eða hringt í SÁÁ í síma 530 7600. Á fundum Heiðursmanna er í boði léttur hádegisverður gegn vægu gjaldi, góður félagsskapur og fræðandi umræður.