Valmynd
english

Guðlaugur næsti gestur Heiðursmanna

Guðlaugur Þór Þórðarson, alþingismaður Sjálfstæðisflokksins, verður gestur Heiðursmanna á næsta fundi sem verður haldinn fimmtudaginn 12. febrúar og hefst að venju klukkan 12.

Guðlaugur hefur setið á Alþingi frá 2003. Hann var heilbrigðisráðherra á árunum 2007-2009 og á nú sæti í fjárlaganefnd þingsins.

Guðlaugur ólst upp í Borgarnesi, gekk í Menntaskólann á Akureyri og útskrifaðist þaðan árið 1987. Hann lauk B.A.-prófi í stjórnmálafræði frá Háskóla Íslands árið 1996. Var borgarfulltrúi Sjálfstæðisflokksins í borgarstjórn Reykjavíkur 1998 – 2006.

Á fundum Heiðursmanna er í boði léttur hádegisverður gegn vægu gjaldi, góður félagsskapur og fræðandi umræður. Heiðursmenn SÁÁ er félagsskapur velunnara SÁÁ sem hittast reglulega og vinna að hagsmunamálum SÁÁ.

Þeir hittast annan hvern fimmtudag í Von, húsi SÁÁ, Efstaleiti 7, til að ræða landsins gagn og nauðsynjar og taka á móti gestum. Þeir sem hafa áhuga á starfi Heiðursmanna geta sent póst á netfangið heidursmenn@saa.is eða hringt í SÁÁ í síma 530 7600.