Valmynd
english

Guðmundur næsti gestur Heiðursmanna

Guðmundur Steingrímsson, alþingismaður og formaður Bjartrar framtíðar verður gestur Heiðursmanna á næsta fundi sem verður haldinn fimmtudaginn 29. janúar og hefst að venju klukkan 12.

Guðmundur hefur setið á Alþingi frá 2009 og hefur verið formaður Bjartrar framtíðar frá því að sá flokkur var stofnaður. Nánar er hægt að fræðast um bakgrunn og starfsferil Guðmundar á vef Alþingis.

Á fundum Heiðursmanna er í boði léttur hádegisverður gegn vægu gjaldi, góður félagsskapur og fræðandi umræður.

Heiðursmenn SÁÁ er félagsskapur velunnara SÁÁ sem hittast reglulega og vinna að hagsmunamálum SÁÁ. Þeir hittast annan hvern fimmtudag í Von, húsi SÁÁ, Efstaleiti 7, til að ræða landsins gagn og nauðsynjar og taka á móti gestum.

Þeir sem hafa áhuga á starfi Heiðursmanna geta sent póst á netfangið heidursmenn@saa.is eða hringt í SÁÁ í síma 530 7600.