Valmynd
english

Heiðursmenn fá blaðamann í heimsókn

Orri Páll Ormarsson, blaðamaður, verður gestur á næsta fundi Heiðursmanna sem verður haldinn fimmtudaginn 16. mars.

Orri Páll hefur starfað sem blaðamaður á Morgunblaðinu um langt árabil. Hann skráði einnig ævisögu Hermanns heitins Gunnarssonar sem kom út haustið 2013.

Að venju hefst fundurinn á fimmtudag klukkan 12 og stendur í um klukkustund. Á fundum Heiðursmanna er í boði léttur hádegisverður gegn vægu gjaldi, góður félagsskapur og fræðandi umræður.

Fundir Heiðursmanna eru haldnir yfir vetrarmánuðina, annan hvern fimmtudag í Von, húsi SÁÁ, Efstaleiti 7. Þeir sem hafa áhuga á starfi Heiðursmanna geta sent póst á netfangið heidursmenn@saa.is eða hringt í SÁÁ í síma 530 7600.