Valmynd
english

Heiðursmenn hittast á fimmtudag

Næsti fundur Heiðursmanna verður haldinn fimmtudaginn 28. janúar. Að þessu sinni verða málefni SÁÁ í brennidepli fundarins en mikið er framundan í starfi samtakanna með byggingu nýrrar meðferðarstofnunar á Vík og átaki til þess að útrýma hinum skæða sjúkdómu lifrarbólgu C úr íslensku samfélagi en það er markmið metnaðarfulls verkefnis sem SÁÁ vinnur nú að í samstarfi við Landspítalann og alþjóðlega lyfjafyrirtækið Gilead.

Að venju hefst fundurinn klukkan 12 og stendur í um klukkustund. Á fundum Heiðursmanna er í boði léttur hádegisverður gegn vægu gjaldi, góður félagsskapur og fræðandi umræður. Fundir Heiðursmanna eru haldnir annan hvern fimmtudag í Von, húsi SÁÁ, Efstaleiti 7. Þeir sem hafa áhuga á starfi Heiðursmanna geta sent póst á netfangið heidursmenn@saa.is eða hringt í SÁÁ í síma 530 7600.