Valmynd
english

Líf Magneudóttir gestur heiðursmanna

Líf Magneudóttir, nýkjörinn oddviti Vinstri grænna í borginni fyrir komandi sveitarstjórnarkosningar, verður næsti gestur heiðursmanna fimmtudaginn 15. mars í Von. Að venju hefst fundurinn klukkan 12 á hádegi og stendur í um klukkustund.

Líf hefur gegnt ýmsum trúnaðarstörfum fyrir Vinstri græn síðan 2010. Hún er menntaður grunnskólakennari og hefur lengst af setið í skóla- og frístundaráði borgarinnar og látið sig mennta-, tómstunda- og forvarnarmál varða.

Fundir Heiðursmanna eru haldnir yfir vetrarmánuðina, að jafnaði annan hvern fimmtudag í Von, húsi SÁÁ, Efstaleiti 7. Þeir sem hafa áhuga á starfi Heiðursmanna geta sent póst á netfangið heidursmenn@saa.is eða hringt í SÁÁ í síma 530 7600. Á fundum Heiðursmanna er í boði léttur hádegisverður gegn vægu gjaldi, góður félagsskapur og fræðandi umræður.