Valmynd
english

Maraþonhlauparar styrkja SÁÁ

SÁÁ er meðal þeirra 134 félagasamtaka sem vinna að góðgerðarmálum og samfélagsverkefnum sem þátttakendur í Reykjavíkurmaraþoninu geta safnað áheitum fyrir.  Reykjavíkurmaraþonið verður haldið þann 19. ágúst næstkomandi og núna fer það fram í 34. skipti.

Á síðunni hlaupastyrkur.is geta hlauparar safnað áheitum til styrktar því félagi sem þeir vilja að njóti þeirra fjárframlaga sem hlaupararnir safna. Nú þegar eru fjórtán hlauparar búnir að skrá sig og heita á SÁÁ. Þeir hafa nú þegar náð að safna 136.000 krónum, sem er glæsilegur árangur því enn er einn og hálfur mánuður til stefnu.

Á síðunni hlaupastyrkur.is er hægt að sjá hlauparana sem styrkja SÁÁ og við hvetjum alla velunnara samtakanna til að leggja þeim lið með áheiti.