Valmynd
english

Mindfulness lýkur í bili 1. maí

Hugleiðslunámskeiði í Mindfulness með Ásdísi Olsen, sem SÁÁ hefur boðið upp á frá því í lok febrúar, lýkur næsta föstudag, 1. maí.

Námskeiðið hefur staðið í átta vikur og er þátttakendum að kostnaðarlausu. Það fer fram í Vonarsalnum í Efstaleiti 7 og hefst klukkan 12.10. Dyrunum er lokað á slaginu og því er nauðsynlegt að mæta stundvíslega. Þótt tíminn á föstudag sé sá síðasti í þessu námskeiði er nýjum aðilum velkomið að mæta og vera með.

Þegar mest hefur verið hafa um 80 manns hafa sótt tíma í þessu áhrifaríka og umbreytandi námskeiði sem er ætlað þeim sem vilja taka ábyrgð á lífi sínu og líðan og öðlast færni til að njóta sín til fulls.

Eins og fyrr sagði er tíminn á föstudag sá síðasti í bili en ráðgert er að taka þráðinn upp að nýju í lok sumars og verður það auglýst sérstaklega.

Hægt er að skrá sig á námskeiðið á síðu viðburðarins á Facebook á föstudag með því að smella hér.

Ásdís Olsen (B.Ed. og MA) er helsti sérfræðingur landsins í Mindfulness með áherslu á núvitund, hugarró og hamingju fyrir almenning. Hún kennir lífsleikni við Háskóla Íslands þar sem Mindfulness er í forgrunni og hefur haldið óteljandi fyrirlestra og námskeiða um Mindfulness og hamingjuna.  Ásdís lauk kennaranámi í Mindfulness frá Bangor háskóla í Wales árið 2010 og sérfræðinámi í Hugrænni atferlismeðferð (HAM) frá Endurmenntun Háskóla Íslands 2008. Nánari upplýsingar um hana er að finna hér á síðu Hamingjuhússins.