Valmynd
english

Skúli Helgason gestur Heiðursmanna

Skúli Helgason, borgarfulltrúi Samfylkingarinnar, verður gestur Heiðursmanna á næsta fundi sem verður haldinn fimmtudaginn 9. apríl og hefst að venju klukkan 12.

Skúli hefur setið í borgarstjórn Reykjavíkur frá því síðasta vor og er formaður Skóla- og frístundaráðs Reykjavíkur. Hann sat á Alþingi frá 2009 til 2013 og er nú varaþingmaður fyrir Reykjavíkurkjördæmi norður.

Á fundum Heiðursmanna er í boði léttur hádegisverður gegn vægu gjaldi, góður félagsskapur og fræðandi umræður. Heiðursmenn SÁÁ er félagsskapur velunnara SÁÁ sem hittast reglulega og vinna að hagsmunamálum SÁÁ.

Þeir hittast annan hvern fimmtudag í Von, húsi SÁÁ, Efstaleiti 7, til að ræða landsins gagn og nauðsynjar og taka á móti gestum. Þeir sem hafa áhuga á starfi Heiðursmanna geta sent póst á netfangið heidursmenn@saa.is eða hringt í SÁÁ í síma 530 7600.