Valmynd
english

Valgerður hæfust sem nýr framkvæmdastjóri lækninga

Nefnd til að meta hæfni umsækjenda um starf framkvæmdastjóra lækninga á meðferðarsviði SÁÁ hefur einróma komist að þeirri niðurstöðu að Valgerður Á. Rúnarsdóttir, sérfræðingur í fíknlækningum og yfirlæknir á Sjúkrahúsinu Vogi, sé hæfasti umsækjandinn.

Þórarinn Tyrfingsson hefur tilkynnt að hann hyggist láta af starfinu en hann verður sjötugur í sumar.

Eftir er að ganga frá samningum um ráðningu Valgerðar en matsnefndin, sem fór yfir þær umsóknir sem bárust þegar starfið var auglýst laust, taldi að Valgerður Árný Rúnarsdóttir væri hæfust til að gegna starfinu.

Valgerður uppfyllir allar hæfniskröfur sem fram koma í auglýsingunni um stöðuna að mati nefndarinnar. Hún á áralangan og farsælan starfsferil á Sjúkrahúsinu Vogi sem sérfræðingur í fíknlækningum og yfirlæknir á Sjúkrahúsinu Vogi.