Afeitrun og greining

Fíknivakar

Algengt er að fólk í bata finni fyrir fíkn. Því er mikilvægt að læra að forðast fíknivaka með fyrirbyggjandi aðgerðum. Fíknivakar eru persónubundnir og geta tengst fólki, stöðum, hlutum, aðstæðum og tilfinningum. Einstaklingur í bata getur lært að þekkja sína fíknivaka og í framhaldi forðast þá – eða undirbúið sig vel áður en tekist er á við aðstæður sem vekja fíkn. Það getur hjálpað að deila upplýsingum um fíknivaka með fjölskyldu og vinum. Þannig eykur maður líkurnar á stuðningi við erfiðar aðstæður.

Hvernig virka fíknivakar?
Fíknivakar geta vakið upp minningar eða „flashback“ og þér fer að líða eins og þú sért í aðstæðum þar sem þú varst vanur/vön að nota áfengi og/eða vímuefni. Fíknivakar geta þannig kveikt andlega eða líkamlega þrá eftir áfengis- og/eða vímuefnaneyslu. Þessi líðan getur orðið til þess að þú veikist aftur, tekur upp gamalt hegðunarmynstur, og ferð að nota áfengi og/eða vímuefni á ný.

ERTU TILBÚIN(N)

að leita þér aðstoðar?