Kynningarfundir
Ókeypis kynningarfundir eru haldnir alla miðvikudaga kl. 18:00 í Vonarsal, á fyrstu hæð í Von, Efstaleiti 7.
Þar er fjallað um starfsemi SÁÁ, fíknsjúkdóma og meðvirkni.
Fyrirspurnum er svarað um tengd mál.
Sams konar fundir eru haldnir í Göngudeild SÁÁ, Hofsbót 4, Akureyri, fyrsta mánudag hvers mánaðar kl. 17:30.
Foreldrafræðsla á Vogi
Alla þriðjudaga frá klukkan 18.15-20.00 er fræðslufundur á Sjúkrahúsinu Vogi, Stórhöfða 45, ætlaður foreldrum unglinga sem hafa verið í meðferð hjá SÁÁ. Fundurinn hentar einnig fyrir þá foreldra sem eru að byrja að leita sér aðstoðar vegna neyslu unglings.
Haldin eru framsöguerindi og í kjölfarið á þeim hittist stuðningshópur.
Umfjöllunarefni framsöguerinda á fræðslufundum fyrir foreldra eru:
- Vímuefni sem unglingar nota og áhrif þeirra
- Bataþróun hjá unglingum og íhlutun
- Vímuefnameðferð unglinga
- Vandi foreldra og þjónusta SÁÁ. Göngudeild – Endurhæfing SÁÁ og meðferðarstöðvarnar.
Aðgangseyrir á fræðslufundi foreldra er 2000 kr.