Algengt er að fólk sem hefur tekið ákvörðun um að hætta neyslu áfengis eða annarra vímuefna kvíði því að þurfa að leggjast inn á Vog. Það eru þung skref að taka ákvörðun um að biðja um inniliggjandi meðferð við fíknsjúkdómi og það er alltaf aðdragandi að því; endurteknar tilraunir upp á eigin spýtur og með öðru fagfólki eins og heimilislækni, sálfræðingi, félagsráðgjafa og fleirum.

Margir vita ekki hvað bíður þeirra í meðferðinni og óvissan getur valdið ótta. Hvað gera áfengis- og vímuefnaráðgjafar? En hjúkrunafræðingar? Hvað gera læknaritarar og sjúkraliðar? Horfðu á myndböndin hér að ofan og "hittu" starfsfólkið okkar. Við tökum vel á móti þér!