Margskonar vímuefni notuð í rafrettur

shutterstock_628861223

Allt frá ársbyrjun 2000 hefur SÁÁ gert mánaðarlegar kannanir á verðlagi á ólöglegum vímuefnum „á götunni.“ Allir innritaðir sjúklingar á sjúkrahúsinu Vogi, sem hafa heilsu til, taka þátt í könnun þar sem spurt er hve margir þeirra hafa keypt slík efni og hvað þeir greiddu fyrir efnin. Meðaltalsverð er síðan reiknað.

Niðurstöður frá upphafi er hægt að lesa í pdf-skjali hér og að neðan. Skjalið hefur verið uppfært miðað við nýjustu upplýsingar í nóvember 2019.

Alls svöruðu samtals 224 einstaklingar verðkönnun á fimm mánaða tímabili, frá júlí-nóvember 2019. Í ljós kom að 65% aðspurðra höfðu keypt ólögleg vímuefni/lyf, eða 146 einstaklingar. Meðalaldur þeirra var tæp 30 ár en meðalaldur hinna sem ekki höfðu keypt slík efni var rúm 44 ár.

Tæp 54% höfðu keypt örvandi vímuefni, eða 120 einstaklingar. Flestir keyptu kókaín (41%) og/eða amfetamín (32%). Tæp 38% keyptu kannabisefni (85), langflestir gras (82). Alls sögðust 39% aðspurðra, hafa keypt lyfseðilsskyld lyf á svörtum markaði, eða 87 einstaklingar. Rúm 10% höfðu keypt keyptu ofskynjunarlyfið LSD (22) og 1 keypti ketamín. Önnur lyf ganga kaupum og sölum, eins og Lyrica og Gabapentin.

Um fjórðungur aðspurðra, eða 46 einstaklingar, höfðu notað vímuefni í rafrettur. Flestir notuðu kannabisefni, THC og CBD, í rafrettur, en einnig amfetamín, spice, MDMA, Chrystal Meth og DMT.

Á þessu fimm mánaða tímabili höfðu 20% aðspurðra sprautað vímuefnum í æð. Þessir einstaklingar höfðu flestir fengið nálar og sprautur í apótekum. Aðrir möguleikar voru Frú Ragnheiður, Konukot, frá vinum og annars staðar. Flestir nefndu fleiri en einn stað.

Verðkönnun SÁÁ