Meðferð við spilafíkn 19.-21. október

Meðferð við spilafíkn verður í Von, Efstaleiti, helgina 19.-21. október næstkomandi. Um er að ræða fyrirlestra og hópfundi. Markmið meðferðarinnar er að auka skilning þátttakenda á spilafíkn og stuðla að bata.

Meðferðin stendur:

  • föstudaginn 19. október, kl. 17:15-19:00
  • laugardaginn 20. aoktóber, kl. 9:30-16:00
  • sunnudaginn 21. október, kl. 9:30-16:00

Meðferðin er opin öllum sem telja hana eiga erindi við sig.

Þar er fjallað um hvernig sjúkdómur spilafíkn er, hvernig hann lýsir sér, hvernig hann þróast, hvernig hægt er að ná bata, hvernig best er að fást við streitu og hvernig GA-samtökin (Gamblers Anonymous) nýtast best.

Skráning á námskeiðið og nánari upplýsingar á göngudeild SÁÁ, Von Efstaleiti 7, í Reykjavík eða í síma 530-7600. Einnig veitir Ásgrímur G. Jörundsson, áfengis- og vímuefnaráðgjafi sem hefur sérþekkingu og áralanga reynslu af meðferð við spilafíkn, upplýsingar í síma 530-7600 eða í tölvupósti á netfangið asi@saa.is.

Athugið að aðstandendur spilafíkla geta einnig leitað aðstoðar á göngudeild SÁÁ.