Foreldranámskeið

Fyrir foreldra ungmenna með fíknivanda

Umsjónarmenn námskeiðs

  • Katrín Ella Jónsdóttir, sálfræðingur.
  • Þóra Björk Ingólfsdóttir sálfræðingur.
  • Halldóra Jónsdóttir, áfengis-og vímuefnaráðgjafi.
  • Guðlín Kristinsdóttir, áfengis-og vímuefnaráðgjafi.

Námskeiðið kostar um 24.670.-  eða í samræmi við verðskrá Sjúkratrygginga Íslands.

Skráning fer fram með því að senda tölvupóst á netfangið foreldrar@saa.is

Ef óskað er eftir frekari upplýsingum má senda tölvupóst á foreldrar@saa.is eða hafa samband við göngudeild SÁÁ í síma 530-7600.

Uppfært:

Foreldranámskeiði SÁÁ sem átti að hefjast í dag, mánudag kl 16:15 hefur verið frestað til fimmtudagsins 24/9. Því er enn tækifæri til að skrá sig.

Gætt verður að sóttvörnum, boðið verður upp á grímur og nægt pláss á milli þátttakenda.

Þann 21. september næstkomandi mun fjölskyldudeild SÁÁ fara af stað með nýtt námskeið sem sérstaklega er ætlað foreldrum og/eða öðrum aðstandendum ungmenna (15-25 ára) sem eiga í áfengis- og/eða vímuefnavanda, hvort sem þau hafi farið í meðferð hjá SÁÁ eða ekki.

Foreldranámskeiðið er byggt á gagnreyndum aðferðum eins og áhugahvetjandi
samtali (Motivational Interviewing) og CRAFT (Community Reinforcement and Family Training). Þessar aðferðir hafa reynst vel fyrir fjölskyldur fólks með fíknivanda.

Fyrirkomulag námskeiðsins

Foreldranámskeiðið telur 5 vikur og er haldið mánudaga og fimmtudaga frá kl 16:15 til 18:15 í Von, Efstaleiti 7. Hver tími samanstendur af fræðslu, umræðum og verkefnavinnu. Allir þátttakendur námskeiðsins fá afhenda handbók með útdráttum af fræðslu hvers tíma, verkefnum og öðrum gagnlegum upplýsingum.

Markmið námskeiðsins

Að auka þekkingu aðstandanda á fíknivanda ungmenna, þróun hans og birtingarmyndum og áhrifum hans á fjölskylduna.

Að kenna umönnunaraðilum aðferðir eins og hvernig hægt er að hafa áhrif á áhugahvöt og auka farsæl samskipti til að hvetja ungmenni til breytinga, fjölskyldunni allri til bóta.

Að efla og styðja foreldra með því að kenna leiðir til sjálfsræktar.

Eftirfarandi erindi eru hluti af Foreldranámskeiði:

  • Fíknisjúkdómurinn og vímuefnin
  • Áhrif vímuefna á heilaþroska og hegðun ungmenna
  • Líðan foreldra og óhjálpleg viðbrögð í erfiðum aðstæðum
  • Sjálfsrækt I: Hvað get ég gert núna í átt að betri líðan
  • Sjálfsrækt II: Hvað styrkir mig til framtíðar
  • Að framkalla jákvæðar breytingar með því að ná til áhugahvatar
  • Að auka farsæl samskipti
  • Að styrkja æskilega hegðun
  • Að leyfa neikvæðar afleiðingar óæskilegrar hegðunar
  • Bataferlið og bakslög