Meðferð við spilafíkn

Meðferð, ráðgjafaviðtöl og stuðningshópar

shutterstock_795970564

Viltu vita meira?

Skráning og nánari upplýsingar á göngudeild SÁÁ, Von Efstaleiti 7, í Reykjavík eða í síma 530-7600. Ásgrímur G. Jörundsson, áfengis- og vímuefnaráðgjafi, sem hefur sérþekkingu og áralanga reynslu af meðferð við spilafíkn, veitir nánari upplýsingar.

Spilafíkn

SÁÁ býður meðferð, ráðgjafaviðtöl og stuðningshópa fyrir þá sem glíma við vanda vegna fjárhættuspils og spilafíknar. Aðstandendur geta einnig sótt ráðgjöf og fræðslu á göngudeildir SÁÁ.

Viðtöl við ráðgjafa

Allir sem telja sig hafa vanda vegna fjárhættuspils eiga kost á einkaviðtali við ráðgjafa á göngudeild SÁÁ, Efstaleiti 7 í Reykjavík eða Hofsbót 4 á Akureyri. Hver sem er getur pantað þar viðtalstíma í síma 530-7600. Í slíku viðtali er hægt að meta stöðuna og fólk getur haft samráð við fagmann um hvort og hvernig hægt er að glíma við vandann. Engar skuldbindingar fylgja því að fara í slíkt viðtal.

Meðferð fyrir fólk með spilafíkn

Fólk með spilafíkn á kost á meðferð við spilasýki sem miða að bata. Meðferðin fer fram á göngudeild SÁÁ, Efstaleiti 7, um helgi og er hún auglýst hverju sinni. Meðferðin er opin öllum sem telja sig eiga þangað erindi. Markmið meðferðarinnar er að veita fólki fræðslu þannig að skilningur aukist á spilasýki sem vandamáli og hvernig hægt er að ná bata við henni. Í meðferðinni er fjallað um hvernig sjúkdómur spilasýki er, hvernig hann lýsir sér, hvernig hann þróast, hvernig hægt er að ná bata, hvernig best er að fást við streitu og hvernig GA-samtökin (Gamblers Anonymous) nýtast best.