Valmynd
english

Aðstandendur

Þjónusta SÁÁ við fjölskyldur er ætluð aðstandendum alkohólista og annarra vímuefnasjúklinga hvort sem alkohólistinn hefur farið i meðferð eða ekki. Markmiðið er að auka þekkkingu þátttakenda á einkennum alkohólisma/vímuefnafíknar og áhrifum sjúkdómsins á fjölskylduna og meðlimi hennar.

Ráðgjafar Fjölskyldudeildar SÁÁ eru allir með löggilt starfsréttindi sem áfengis- og vímuefnaráðgjafar og hafa áralanga reynslu af starfi með alkhóhólistum, vímuefnafíklum og fjölskyldum þeirra.

Fjölskyldudeild SÁÁ býður aðstandendum:

  • Einstaklingsviðtöl
  • Fjölskyldumeðferð á kvöldnámskeiðum
  • Fjölskyldumeðferð á helgarnámskeiðum
  • Fræðslufundi fyrir foreldra
  • Stuðningshópa
  • Fræðslufundi um starfsemi SÁÁ

Viðtalsþjónusta er í boði alla virka daga frá kl. 09:00 til 12:00 og 13:00 – 17:00. Hana geta allir aðstandendur nýtt sér, bæði þeir sem vita að einhver þeim nákominn á við áfengis- og vímuefnavanda að stríða og hinir sem eru í vafa og vilja fá upplýsingar og greiningu. Viðtölin taka oftast um 30 mínútur. Hægt er að panta tíma í síma 530-7600 eða koma og hitta vakthafandi ráðgjafa á ofangreindum tímum.  Aðstandendur spilafíkla geta einnig nýtt sér viðtalsþjónustu Fjölskylduddeildar SÁÁ.

Fjölskyldumeðferð

Fjölskyldumeðferð er námskeið sem tekur fjórar vikur og er haldið á mánudögum og fimmtudögum frá kl. 17:30 til 19:30. Að lokinni Fjölskyldumeðferð geta þátttakendur nýtt sér stuðningshóp sem hittist vikulega í Von, Efstaleiti 7.

Í fjölskyldumeðferð er leitast við að auka þekkingu aðstandenda á fíknisjúkdómnum, einkennum hans og birtingarmyndum og áhrifum hans á alla þá sem búa í návígi við áfengis- og vímuefnasjúkling. Reynt er að aðstoða þátttakendur við að hrinda af stað breytingum til bóta innan fjölskyldunnar.

Eftirfarandi erindi eru hluti af Fjölskyldumeðferð:

  • Áfengissýki og önnur vímuefnafíkn
  • Meðvirkni og hvernig hún breytir fjölskyldunni
  • Meðvirkni og hvernig hún breytir einstaklingnum
  • Stuðningur sem gerir ástandið verra
  • Sjálfsvirðing
  • Þróun batans – aðstandandi vs fíkill – (gestir velkomnir)
  • Sameiginlegur bati allra í fjölskyldunni

Síðasta kvöld Fjölskyldumeðferðarinnar er haldin stutt kynning á starfi Al-Anon.

Helgarfjölskyldumeðferð

Helgarnámskeið í fjölskyldumeðferð er útdráttur úr fjögurra vikna meðferðinni. Helgarnámskeiðið er fyrst og fremst ætlað fólki sem býr utan Reykjavíkur og er sett á dagskrá göngudeildanna í Reykjavík eða á Akureyri eftir því sem þörf krefur.

Helgarmeðferðin er ætluð aðstandendum alkóhólista og annarra vímuefnasjúklinga. Það skiptir engu hvort alkohólistinn hefur farið i meðferð eða ekki. Markmiðiðer að auka þekkkingu þátttakenda á einkennum alkohólisma/vímuefnafíknar og áhrifum sjúkdómsins á fjölskylduna og meðlimi hennar.

Fyrir foreldra

Fræðslufundir fyrir foreldra unglinga sem eru eða hafa verið í meðferð hjá SÁÁ eru haldnir alla þriðjudaga og hefjast þeir klukkan 18.15 á Sjúkrahúsinu Vogi, Stórhöfða 45 í Reykjavík. Að loknum framsögu- og kynningarerindum hittist stuðningshópur og lýkur fundi klukkan 20.00. Þessir fundir henta einnig vel fyrir foreldra sem eru að byrja að leita sér aðstoðar vegna neyslu unglings.

Framsöguerindin sem haldin eru á fræðslufundum fyrir foreldra fjalla um þessi málefni:

  • Vímuefni sem unglingar nota og áhrif þeirra
  • Bataþróun hjá unglingum og íhlutun
  • Vímuefnameðferð unglinga
  • Vandi foreldra og þjónusta SÁÁ. Göngudeild – Endurhæfing SÁÁ og meðferðarstöðvarnar.

Kynningarfundur

Kynningarfundir eru haldnir alla miðvikudaga kl. 18:00 í Von, Efstaleiti 7.  Aðgangur er ókeypis.

Á fundunum er fjallað um starfsemi SÁÁ, fíknsjúkdóma og meðvirkni. Fyrirspurnum er svarað um tengd málefni. Allir eru velkomnir á kynningarfundina.

Kynningarfundir í Göngudeild Akureyri, Hofsbót 4, eru haldnir fyrsta mánudag hvers mánaðar kl. 17:30.

Dagskrárstjóri Fjölskyldudeildar SÁÁ er Helga Óskarsdóttir, helga@saa.is.

Fjölskyldudeild SÁÁ
Efstaleiti 7
103 Reykjavík
sími: 530 7600