Valmynd
english

Fræðsla fyrir foreldra

Fræðslufundir fyrir foreldra unglinga sem eru eða hafa verið í meðferð hjá SÁÁ eru haldnir alla þriðjudaga og hefjast þeir klukkan 18.15 á Sjúkrahúsinu Vogi, Stórhöfða 45 í Reykjavík.

Að loknum framsögu- og kynningarerindum hittist stuðningshópur og lýkur fundi klukkan 20.00. Þessir fundir henta einnig vel fyrir foreldra sem eru að byrja að leita sér aðstoðar vegna neyslu unglings. Aðgangseyrir er 2000 krónur.

Framsöguerindin sem haldin eru á fræðslufundum fyrir foreldra fjalla um þessi málefni:

  • Vímuefni sem unglingar nota og áhrif þeirra
  • Bataþróun hjá unglingum og íhlutun
  • Vímuefnameðferð unglinga
  • Vandi foreldra og þjónusta SÁÁ. Göngudeild – Endurhæfing SÁÁ og meðferðarstöðvarnar.

Kynningarfundur

Almennir kynningarfundir um starfsemi SÁÁ eru haldnir alla miðvikudaga kl. 18:00 í Von, Efstaleiti 7.  Aðgangur er ókeypis.

Á fundunum er fjallað um starfsemi SÁÁ, fíknsjúkdóma og meðvirkni. Fyrirspurnum er svarað um tengd málefni. Allir eru velkomnir á kynningarfundina.

Kynningarfundir í Göngudeild Akureyri, Hofsbót 4, eru haldnir fyrsta mánudag hvers mánaðar kl. 17:30.