Valmynd
english

Göngudeild Akureyri

Göngudeild SÁÁ á Akureyri er til húsa í Hofsbót 4 og þjónar öllu Norðurlandi. Um 7.000 komur eru skráðar á deildina ár hvert. Deildin er opin mánudaga, miðvikudaga og fimmtudaga frá kl. 09:00 til 12:00 og 13:00 til 17:00 og á þriðjudögum og föstudögum frá kl. 09:00 til 12:00.

Tekið er á móti fólki í viðtöl hjá áfengisráðgjafa á þeim tíma og hægt að panta tíma hjá ráðgjafa í síma 5307600.

Hluti áfengis- og vímuefnasjúklinga kemur á göngudeildina til að leita ráðlegginga og greiningar á vanda sínum. Ef niðurstaða greiningarviðtals gefur tilefni til er viðkomandi lagður inn á sjúkrahúsið Vog í Reykjavík við fyrsta tækifæri og þá hefst hefðbundin áfengis- og vímuefnameðferð. Oft er hins vegar hægt að leysa vanda fólk án þess að til innritunar á Vog þurfi að koma.

Flestir sjúklingar koma á göngudeildina að lokinni dvöl á Vogi eða að lokinni meðferð á Vík eða Staðarfelli.

Aðstandendur og fjölskyldur áfengis- og vímuefnaneytenda geta einnig sótt margvíslega aðstoð og þjónustu á göngudeildina, sem og spilafíklar.

Reglulega eru haldin fjölskyldunámskeið fyrir aðstandendur fíkla og eru þau auglýst sérstaklega á svæðinu.

Hægt er að nálgast margvíslegt fræðsluefni  um hinar ýmsu þjónustuleiðir á göngudeildarinnar annars staðar á saa.is.

Fyrsta mánudag í hverjum mánuði kl. 18:00 eru haldnir kynningarfundir á göngudeildinni á Akureyri. Þar er fjallað um starfsemi SÁÁ, fíknsjúkdóma og meðvirkni og fyrirspurnum svarað eftir bestu getu.

Hópar hittast á göngudeildinni á Akureyri sem hér segir:

Eftirfylgni

Kvennahópar eru á mánudögum kl. 16:15 – 17:45
Karlahópar eru á miðvikudögum kl. 16:00 – 17:30

(Tekið á móti nýjum einstaklingum í hópana ½ klst fyrir fund)

Meðferðarhópar
Meðferðarhópur hittist alla mánudaga, miðvikudaga og fimmtudaga kl. 10:30 – 11:30
Stuðningur er opinn þeim sem þurfa alla virka daga kl. 09:30

Gjaldskrá göngudeildar
Viðtal við ráðgjafa á göngudeild kostar 3.200 kr. en örorkulífeyrisþegar greiða 1.700 krónur. Verð með afsláttarkorti er 1.900 krónur en örorkulífeyrisþegar með afsláttarkort greiða 910 krónur fyrir hvert viðtal.

Aðstandendaviðtal við ráðgjafa kostar 3.000 krónur.

Hópatími á göngudeild kostar 1.067 kr., en örorkulífeyrirsþegar greiða 567 krónur.  Verð með afsláttarkorti er 633 krónur, en örorkulifeyrisþegar með afsláttarkort greiða 303 krónur fyrir tímann.


Hofsbót 4, 600 Akureyri.
Sími: 530-7600, 462-7611