Tilkynning frá SÁÁ vegna COVID-19 veiru

shutterstock_1621031059
Vinsamlegast athugið

Ekki koma á starfsstaði SÁÁ ef möguleiki er á Covid-19 veirusmiti, þ.e.:

Ef þú ert með bráða öndunarfærasýkingu og hita eða hósta eða mæði og hefur umgengist líklegt eða staðfest Covid-19 tilfelli eða verið á skilgreindu svæði með smithættu

Ekki er tekið við sendingum á Vog né gestum á starfsstaði SÁÁ (gildir einnig um 12 spora fundi)

SÁÁ hefur viðhaft mikinn viðbúnað við smitvarnir á öllum stöðvum og undirbúning á fjarveru starfsfólks. Það hefur ekki komið upp smit meðal sjúklinga eða starfsfólks ennþá, en þegar það gerist mun starfssemin augljóslega breytast fljótt og enn frekar.

SÁÁ mun halda úti þjónustu eins og mögulegt er, og rúmast innan fyrirmæla yfirvalda. Talsverður samdráttur verður á þjónustu sjúkrahússins Vogs tímabundið, með fækkun á innlögnum.

Sjúkrahúsið Vogur: Stefnt er að því að hafa 37 manns inni á hverjum tíma, í stað 50-60. Þá eru allir í einstaklingsherbergi og 2ja metra bil milli allra einstaklinga í þjónustu, fyrirlestrum, hópmeðferðum, viðtölum, matsal, og fleira. Ekki verður tekið við ólögráða einstaklingum á þessu tímabili. Áhersla verður á að halda úti óbreyttri lyfjameðferð við ópíóíðafíkn frá sjúkrahúsinu (viðhaldsmeðferð 170 einstaklinga).

Eftirmeðferðarstöðin Vík: Óbreytt starfsemi. 2ja metra fjarlægð milli einstaklinga í meðferðarúrræðum og allir eru í sérherbergjum.

Göngudeildir: 2ja metra fjarlægð milli einstaklinga alls staðar, viðtöl, hópmeðferð, fyrirlestrar, en breytt tilhögun verður á einhverjum meðferðarúrræðum. Möguleiki er á auknum viðtölum í fjarþjónustu.