Um fjórðungur aðspurðra notar vímuefni í æð

nalar

Allt frá ársbyrjun 2000 hefur SÁÁ gert mánaðarlegar kannanir á verðlagi á ólöglegum vímuefnum „á götunni.“ Allir innritaðir sjúklingar á sjúkrahúsinu Vogi, sem hafa heilsu til, taka þátt í könnun þar sem spurt er hve margir þeirra hafa keypt slík efni og hvað þeir greiddu fyrir efnin. Meðaltalsverð er síðan reiknað.

Niðurstöður frá upphafi er hægt að lesa í pdf-skjali hér og að neðan. Skjalið hefur verið uppfært miðað við nýjustu upplýsingar í febrúar 2020.

Alls svöruðu samtals 125 einstaklingar verðkönnun á þriggja mánaða tímabili, frá desember 2019 - febrúar 2020. Í ljós kom að 68% aðspurðra höfðu keypt ólögleg vímuefni/lyf, eða 85 einstaklingar. Meðalaldur þeirra var rúm 30 ár en meðalaldur hinna sem ekki höfðu keypt slík efni var tæp 40 ár.

Tæp 54% höfðu keypt örvandi vímuefni, eða 67 einstaklingar. Flestir keyptu kókaín (43%) og/eða amfetamín (38%). Tæp 42% keyptu kannabisefni (52), langflestir gras (50). Alls sögðust 40% aðspurðra, hafa keypt lyfseðilsskyld lyf á svörtum markaði, eða 50 einstaklingar. Rúm 22% höfðu keypt keyptu benzodiazepin-lyfið Xanac (22). Önnur lyf ganga kaupum og sölum, eins og Lyrica og Gabapentin. 

Um 30% aðspurðra, eða 36 einstaklingar, höfðu notað vímuefni í rafrettur. Flestir notuðu kannabisefni, THC og GHB, í rafrettur, en einnig kókaín.

Á þessu þriggja mánaða tímabili höfðu 22% aðspurðra sprautað vímuefnum í æð. Þessir einstaklingar höfðu flestir fengið nálar og sprautur í apótekum. Aðrir möguleikar voru Frú Ragnheiður, Konukot, frá vinum og annars staðar. Flestir nefndu fleiri en einn stað.

Verdkonnun SAA 290220