Verðkönnun: Flestir höfðu keypt kókaín

Allt frá ársbyrjun 2000 hefur SÁÁ gert mánaðarlegar kannanir á verðlagi á ólöglegum vímuefnum „á götunni.“ Allir innritaðir sjúklingar á Sjúkrahúsinu Vogi, sem hafa heilsu til, taka þátt í könnun þar sem spurt er hve margir þeirra hafa keypt slík efni og hvað þeir greiddu fyrir efnin. Meðaltalsverð er síðan reiknað.

Niðurstöður frá upphafi er hægt að lesa í pdf-skjali hér og að neðan. Skjalið hefur verið uppfært miðað við nýjustu upplýsingar í nóvemberlok 2017.

Alls svöruðu 55 einstaklingar verðkönnun í lok nóvember 2017. Í ljós kom að um 69% aðspurðra höfðu keypt ólögleg vímuefni/lyf, eða 38 einstaklingar. Meðalaldur þeirra var 33 ár en meðalaldur hinna sem ekki höfðu keypt slík efni var 44 ár.

Flestir höfðu keypt örvandi vímuefnið kókaín (22), amfetamín (20) og gras (20). Um 15% aðspurðra höfðu notað kannibisvökva í rafsígarettur.

https://saa.is/wp-content/uploads/2018/01/Verd_saa_301117.pdf