Verðkönnun: Helmingur aðspurðra keypti kókaín

Allt frá ársbyrjun 2000 hefur SÁÁ gert mánaðarlegar kannanir á verðlagi á ólöglegum vímuefnum „á götunni.“ Allir innritaðir sjúklingar á Sjúkrahúsinu Vogi, sem hafa heilsu til, taka þátt í könnun þar sem spurt er hve margir þeirra hafa keypt slík efni og hvað þeir greiddu fyrir efnin. Meðaltalsverð er síðan reiknað.

Niðurstöður frá upphafi er hægt að lesa í pdf-skjali hér og að neðan. Skjalið hefur verið uppfært miðað við nýjustu upplýsingar í febrúarlok 2018.

Alls svöruðu 40 einstaklingar verðkönnun í lok febrúar 2018. Í ljós kom að 70% aðspurðra höfðu keypt ólögleg vímuefni/lyf, eða 28 einstaklingar. Meðalaldur þeirra var 27,5 ár en meðalaldur hinna sem ekki höfðu keypt slík efni var rúm 46 ár.

Langflestir höfðu keypt örvandi vímuefni, eða 25 einstaklingar, þar af höfðu flestir keypt kókaín eða 20 einstaklingar. Þrettán keyptu sterk verkjalyf, þar af höfðu flestir keypt OxyContin sem er í flokki ópíóíða. Sextán einstaklingar keyptu benzódíazepín-lyf, eða róandi lyf, 20 höfðu keypt kannabisefni (flestir gras), E-pillu (11), rítalín Uno (11), MDMA (10) og LSD (8). Önnur lyf ganga kaupum og sölum, eins og pregabalin og gabapentin. Um 23% aðspurðra höfðu notað kannibisvökva í rafsígarettur.

Í janúar og febrúar svaraði 21 einstaklingur sem hafði sprautað vímuefnum í æð. Af þeim höfðu 76% oftast fengið nálar og sprautur í apótekum, eða 16 manns. Fjórir einstaklingar fengu oftast nálar og sprautur hjá frú Ragnheiði en aðrir möguleikar voru frá vinum og annars staðar. Flestir nefndu fleiri en einn stað.

https://saa.is/wp-content/uploads/2018/03/verdkonnun_SAA_feb_2018.pdf