Valmynd
english

Helgarnámskeið – Fjölskyldumeðferð

Fjölskylduhelgarmeðferð verður haldin helgina 30. og 31. maí í Von, Efstaleiti 7. Meðferðin er ætluð aðstandendum alkohólista og annarra vímuefnasjúklinga, hvort sem alkohólistinn hefur farið i meðferð eða ekki. Meðferðin kostar 8.000 krónur og stendur frá klukkan 9:00-16:30 báða dagana.

Markmið meðferðarinnar er að auka þekkkingu þátttakenda á einkennum alkóhólisma/vímuefnafíknar og áhrifum sjúkdómsins á fjölskylduna og meðlimi hennar.

Fyrirlestrar í helgarmeðferðinni eru:
Áfengissýki og önnur vímuefnafíkn
Hvernig meðvirkni breytir einstaklingum og fjölskyldum
Óheppilegur stuðningur
Sjálfsvirðingin
Sameiginlegur bati fjölskyldunnar

Fjölskylduhelgarmeðferð er úrræði sem er í boði nokkrum sinnum á ári. Það er fyrst og fremst ætlað fólki sem býr utan höfuðborgarsvæðisins og öðrum sem eiga erfitt með að nýta sér fjögurra vikna kvöldmeðferðarnámskeiðin sem haldin eru í hverjum mánuði.

Nánari upplýsingar eru veittar hjá ráðgjöfum SÁÁ á göngudeildinni í Von, Efstaleiti. Hægt er að panta tíma hjá þeim og/eða skrá sig í síma 530-7600 eða koma án fyrirvara til vakthafandi ráðgjafa á göngudeild.

Nánar um fjölskyldumeðferð og þjónustu SÁÁ við aðstandendur hér:

Helgarnámskeið í fjölskyldumeðferð 30. og 31. maí