Hluti áfengis- og vímuefnasjúklinga kemur á göngudeildina til að leita ráðlegginga og greiningar á vanda sínum. Ef niðurstaða greiningarviðtals gefur tilefni til er viðkomandi lagður inn á sjúkrahúsið Vog í Reykjavík við fyrsta tækifæri og þá hefst hefðbundin áfengis- og vímuefnameðferð. Oft er hins vegar hægt að leysa vanda fólk án þess að til innritunar á Vog þurfi að koma.
Flestir sjúklingar koma á göngudeildina að lokinni dvöl á Vogi eða að lokinni meðferð á Vík.
Aðstandendur og fjölskyldur fólks með fíknivanda geta einnig sótt margvíslega aðstoð og þjónustu á göngudeildina, sem og fólk með spilavanda.
Reglulega er boðið upp á námskeið fyrir aðstandendur fólks með fíknisjúkdóm og eru þau auglýst sérstaklega á svæðinu.
Eftirtalin úrræði eru rekin í göngudeildinni á Akureyri:
Staðþjónusta
Staðþjónusta er í boði mánudaga og þriðjudaga, fjarþjónusta er í boði aðra daga Viðtöl við áfengis og vímuefnaráðgjafa er hægt að bóka í síma 530-7600Stuðninghópar
Stuðningshópar/eftirfylgni eftir meðferð kl. 10:30-11:30 mánudaga og þriðjudaga og stuðningshópur aðstandenda er á mánudögum kl. 16:00
Fjölskyldunámskeið/foreldrafræðsla
Námskeið fyrir aðstandendur fólks með fíknisjúkdóm eru haldin eftir því sem efni standa til hverju sinni. Þessi námskeið eru auglýst sérstaklega.
Þeir sem eru að ljúka dvöl á Vogi eða Vík eru hvattir til að nýta sér opna móttöku á göngudeildinni sem er haldin alla þriðjudaga kl 14:00. Í opinni móttöku er hægt að fræðast nánar um það sem er í boði í göngudeildinni og bókað viðtal eða skráð sig í þjónstu ef óskað er eftir því
Gjaldskrá göngudeildar
Gjald fyrir þjónustu göngudeildar er samkvæmt gjaldskrá Sjúkratrygginga Íslands á hverjum tíma og greiðslur fyrir þjónustu í göngudeild SÁÁ verða hluti af afsláttarstofni einstaklings hjá Sjúkratryggingum Íslands.
Aðstandendur greiða með sama hætti fyrir þjónustu í göngudeild (viðtöl, fjölskyldumeðferð og hópa), enda verða þær greiðslur einnig hluti af afsláttarstofni einstaklings hjá SÍ.
Þeir sem eru með örorku eða á ellilífeyri greiða lægri gjöld í samræmi við gjaldskrá SÍ.
Göngudeild SÁÁ á Akureyri er til húsa á Hvannvöllum 14, á annarri hæð.
Símanúmer deildarinnar eru 462-7611 og 824-7609.
Aðalsími SÁÁ er 530-7600