Foreldranámskeið

Fyrirkomulag námskeiðsins

Námskeiðið telur 8 vikur og er haldið á þriðjudögum frá kl 16:00 til 18:15 í göngudeild SÁÁ, Efstaleiti 7. Hver tími samanstendur af fræðslu, umræðum og verkefnavinnu. Allir þátttakendur námskeiðsins fá afhenda handbók með útdráttum af fræðslu hvers tíma, verkefnum og öðrum gagnlegum upplýsingum. Foreldranámskeiðið er byggt á gagnreyndum aðferðum eins og áhugahvetjandi samtali (Motivational Interviewing) og CRAFT (Community Reinforcement and Family Training). Þessar aðferðir hafa reynst vel fyrir fjölskyldur fólks með fíknivanda.  

Markmið námskeiðsins

Markmið námskeiðsins er að auka þekkingu aðstandanda á fíknivanda ungmenna, þróun hans og birtingarmyndum og áhrifum hans á fjölskylduna. Einnig er lögð áhersla á að kenna umönnunaraðilum ýmsar aðferðir, eins og hvernig hægt er að hafa áhrif á áhugahvöt og auka farsæl samskipti til að hvetja ungmenni til breytinga, fjölskyldunni allri til bóta. Auk þess er markmiðið að efla og styðja foreldra með því að kenna leiðir til sjálfsræktar. 

Verð:

 

40.000.- kr fyrir einstakling, 70.000.- kr fyrir par/hjón. 20.000.- kr staðfestingargjald greiðist við skráningu. Innifalið í verði er handbók sem innheldur ítarlegar upplýsingar um allt sem farið er yfir á námskeiðinu. 

Skráning fer fram með því að senda tölvupóst á netfangið foreldrar@saa.is

Ef óskað er eftir frekari upplýsingum má senda tölvupóst á foreldrar@saa.is eða hafa samband við göngudeild SÁÁ í síma 530-7600.

Eftirfarandi erindi eru hluti af Foreldranámskeiði:

• Fíknsjúkdómurinn og heilaþroski ungmenna
• Hegðun ungmenna með fíknivanda og líðan og viðbrögð fjölskyldu
• Sjálfsrækt
• Að framkalla jákvæðar breytingar með því að ná til áhugahvatar
• Að styrkja æskilega hegðun
• Farsæl samskipti
• Að setja mörk
• Bataferlið og bakslög

Umsjónarmenn námskeiðs

• Katrín Ella Jónsdóttir, sálfræðingur.
• Þóra Björk Ingólfsdóttir sálfræðingur.