Fréttir & greinar

Anna Hildur Guðmundsdóttir var endurkjörin formaður SÁÁ á fundi aðalstjórnar samtakanna að loknum aðalfundi sem haldinn var 2. maí. Þráinn Farestveit var endurkjörinn varaformaður og Gróa Ásgeirsdóttir ritari.

Við leitum eftir öflugum og áhugasömum ungmennum (18-26 ára) til að taka þátt í sjálfboðaliðastarfi í U hóp. Markmiðið er að styrkja ungmenni í meðferð með því að veita jafningjastuðning. Reynslan hefur sýnt að þeir sem veita jafningjum stuðning styrkja sinn eigin bata. Um er að ræða sjálfboðaliðavinnu í 3-4 klukkutíma á viku í 3 mánuði og hefst starfið í byrjun ágúst.

Áhugavert viðtal á visi.is við Halldóru Jónasdóttur, ráðgjafa hjá SÁÁ um meðvirkni. Hvenær erum við að hjálpa fólki og hvenær erum við meðvirk ? Halldóra fer í þessu viðtali yfir nokkur dæmi sem eflaust margir geta samsvarað sig við.

Sáá hefur skrifað undir samstarfssamning um þátttöku félagsmanna og starfsfólks Sáá í gönguferðum á vegum Ferðafélag Íslands.

Sara Karlsdóttir og Rakel Birgisdóttir starfa báðar á Vík sem áfengis- og vímuefnaráðgjafar með sérverkefni. Þær voru báðar á Vík í sinni meðferð og þekktu því umhverfið og starfið vel þegar þær hófu störf. Umhverfið og andrúmsloftið á Vík segja þær einstakt og hvoru tveggja eigi stóran þátt í bata þeirra sem þar dvelja auk sjálfsvinnu og daglegrar rútínu.

Sá ánægjulegi áfangi náðist nýverið að börnum á biðlista eftir sálfræðiþjónustu hjá SÁÁ fækkaði niður í 10 börn en á listanum voru 110 börn í júlí síðastliðnum.

Samheldið teymi hjúkrunarfræðinga, sjúkraliða, ráðgjafa, sálfræðinga og lækna á sjúkrahúsinu Vogi vinna í sameiningu að því að hjálpa fólki að ná bata. Á Vog leitar ólíkur hópur fólks allt frá 18 ára til áttræðs sem er misjafnlega langt leitt í neyslu. Einstaklingsmiðuð viðtöl eru því mikilvægur hluti af meðferðinni auk hópfunda og fyrirlestra.

„Ég hef aldrei stundað tannlækningar ég á það alveg eftir,“ segir Ari Þorsteinsson kankvís þar sem hann situr á móti mér á skrifstofunni sinni í Efstaleitinu.

Katrín Ella Jónsdóttir, sálfræðingur og Júlía Aspelund, lýðheilsufræðingur og verkefnastjóri hjá SÁÁ, vinna að mótun og breytingum á ungmennameðferð samtakanna. Þær segja Akkilesarhæl ungmennanna helst vera hugarfarið um að þau séu óstöðvandi og ósigrandi. Þannig ofmeti þau oftar en ekki getu sína og vanmeti vandann.

Júlía útskrifaðist úr meistaranámi vorið 2019 og fluttist þá til Íslands og hóf störf á Vogi. Sem verkefnastjóri metur hún og tryggir gæði starfsins m.a. með því að skoða niðurstöður kannana og sjá hvað skili árangri og hvað megi betur fara. Þá er Júlía sérhæfð í aðferð er kallast áhugahvetjandi samtal.